|
Oer de YKFE
Ein sântiger jierren binnen de nije Fryske bibeloersetting en it Lieteboek foar de tsjerken útkaam. Yn 1984 is de Yntertsjerklike Kommisje foar de Fryske Earetsjinst (YKFE) yn it libben roppen om it Tsjinboek diel I fan de Protestantske Tsjerke yn Nederlân (PKN) oer te setten. Dêrnei is der benammen wurke oan Tuskentiden, de Fryske útjefte fan it oanfoljende lieteboek Tussentijds, it oersetten fan Tsjinstboek diel II en it nije 'Lieteboek sjonge en bidde thús en yn tsjerke'. De YKFE wol it brûken fan it Frysk yn en om 'e earetsjinst hinne oan é oarder stelle en befoarderje. Neist oersettingen wolle we ek de útjefte fan eigen Frysk materiaal befoarderje. Mei it each op dit wurk liket mear gearwurking mei en tusken oare organisaasjes ûs gaadlik ta. De YKFE is der foar alle tsjerklike denominaasjes. Foar de Protestantske Tsjerke yn Nederlân (PKN) hat de YKFE de status fan wurkgroep fan de Kommisje Regionaal Oerlis (CRO). Skiednis
Histoarje fan de YKFE
Al ieuwen lang ha Friezen dwaande west mei de Bibel en geastlike lieten yn har eigen taal oer te setten. Mar altyd wiene it yndividuéle partikulieren en bleau it stykjen yn parten fan de Bibel en yn in lyts tal lieten. Tsjerklike erkenning krige it nea. Oant der feroaring fan lucht kaam. Benammen trocht it Kristlik Frsysk Selskip. Lês hjir de hiele skiednis...
|
De YKFE as wurkgroep fan KRO
De YKFE as wurkgroep fan de Kommisje Regionaal Oerlis (KRO) 1. De YKFE is mei yngong fan 2008 in wurkgroep fan de AKF. 2. De YKFE is de offisjele ynstânsje fan de Protestantske Tsjerke yn Nederlân (PTN), dy't fan de KRO opdrachten krijt en freget foar oersettingen fan liturgysk materiaal. 3. De skiednis fan de YKFE: Yn de sântiger jierren binnen de nije Fryske bibeloersetting en it Lieteboek foar de tsjerken útkaam troch de arbeid fan twa yntertsjerklike kommisjes. Al gau dêrnei is út de rûnte fan meiwurkers oan dizze projekten en in tal nije leden de Yntertsjerklike Kommisje foar de Fryske Earetsjinst (YKFE) yn it libben roppen om it Tsjinsboek diel I oer te setten fan de trije tsjerken dy't sûnt 2004 de Protestantske Tsjerke yn Nederlân (PTN) foarmje. 4. Wichtige projekten fan de YKFE: - Úthefte 'Lieteboek foar de tsjerken' op kompaktskiif (2004) - Oersetting Tsjinstboek diel I (útjûn yn 2005) - Útjefte sjongbondel Tuskentiden yn 2006 (oersetting fan Tussentijds) - Tarieding útjefte Tsjinstboek diel II - Tarieding útjefte Lieteboek 2012 Doel De YKFE wol it brûken fan it Frysk yn en om de earetsjinst hinnen oan de oarder stelle en befoarderje. Taken 1. It wurkjen oan en befoarderjen fan de útjefte fan Frysk materiaal foar liturgy en tsjerkemuzyk. 2. It befoarderjen fan it brûken fan it Frysk yn en om de earestjinst. 3. It bydragen oan útwikseling en gearwurking tusken organisaasjes en persoanen. |
Bestjoer, ferantwurding en wurkwize
1. It bestjoer fan de YKFE bestiet út teminsten fiif leden: foarsitter, skriuwer, ponghâlder, lid foar fûnsewerving en saaklik belied, lid foar muzyk- en redaksjonele saken. 2. It bestjoer fan de YKFE komt fiif kear jiers byinoar (en faker as de saken dat freegje). 3. De bestjoerleden wurde troch de AKF beneamd, hieltyd foar fjouwer jier, op foardracht fan de YKFE. 4. De soarch foar belied, wurkwize en finânsjes leit by it bestjoer fan de YKFE. It bestjoer fan de YKFE leit ferantwurding ôf oan de KRO. De YKFE tsjinnet elk jier foar 1 april in jierferslach, wurkplan en jierrekken yn by de KRO en foar 1 novimber in begrutting. 5. Skaaimerken fan it (oersetters-)wurk fan de YKFE binnen projektwurk en koöperaasje. Elk projekt wurde meiwurkers yn behelle dy't oan de spesifike easken foldogge dy't dat kerwei stelt. Teologen en taalkundigen dy't teksten oersette, besprekke har konsepten mei-inoar en mei meilêzers, om sa ta in sa goed mooglik einprodukt te kommen. Finânsjes 1. De YKFE deklarearret de organisaasjekosten by it Stipepunt Noard fan de PTN. 2. Foar de projektkosten docht it YKFE in berop op jeften fan ynstaânsjes en fûnsen binnen en bûten de tsjerken. De YKFE kin dêrby, fia de KRO, ek in berop dwaan op it Frysk Aktiviteiten Fûns (FAF). 3. De rekken fan de YKFE wurdt ûnderbrocht by ien fan de klasses yn Fryslân. 4. De YKFE tsjinnet elk jier foar 1 april de jierrekken yn by de KRO en foar 1 novimber de begrutting. Relaasjes mei oaren 1. De YKFE siket fanwegen har wurk binnen de Protestantske Tsjerke ek ferbining mei de lanlike Wurkgroep Earetsjinst en mei de Wurkgroep Earetsjinst en Tsjerkemuzyk fan de Algemiene Klassikale Fergearring yn Fryslân. 2. De YKFE siket, passend binnen har doel en taken, ek ferbining mei oare tsjerken, organisaasjes en persoanen yn Fryslân. |
|